අත්දැකීම් මාර්ගෝපදේශකයන්
අත්දැකීමක් විඳීම යනු සාම්ප්‍රදායික සංචාරයකට වඩා වෙනස්, චිත්තාකර්ෂණීය ක්‍රියාකාරකමකි. සංචාරයකයෙකුට යම් ස්ථානයක් පිළිබඳ දේශීය පුද්ගලයෙක් ලබන අත්දැකීමට සමාන අත්දැකීමක් ලබා දීම මෙහිදී අදහස් කෙරේ. සංචාරයකයෙකුට ලබාදිය හැක්කේ කවර ආකාරයේ අත්දැකීම්ද යන්න සැලසුම් කර, එම අදහස දියුණු කර, සත්කාරකත්වය සපයනු ලබන්නේ එම ප්‍රදේශවාසීන්ම වන අතර මෙමඟින් නගරයක / ගමක, සංස්කෘතියක, ආහාරවල, අත්කම්වල හෝ ජීවන රටාව පිළිබඳ විශේෂ යමක් පැමිණෙන සංචාරකයින් සමඟ බෙදා ගනියි.
ඔබේ නගරය හෝ ප්‍රජාව තුළ නිශ්චිත සහ නවමු ක්‍රියාකාරකමක් හෝ සංචාරක පහසුකමක් නිර්මාණය කිරීමට ඔබට ආශාවක් තිබේ නම් එය සංචාරකයින්ට සැබවින්ම අද්විතීය හා ආකර්ෂණීය අත්දැකීමක් වනු ඇති බව ඔබට සිතේ නම් අත්දැකීම් මාර්ගෝපදේශකයෙක් වීම පිළිබඳ ඔබ සිතා බැලිය යුතුය.
මෙය ව්යුහගත නොවූ වෘත්තියක් වන අතර, අනුගමනය කිරීමට පියවර මාලාවක් නොමැති හෙයින්, ඔබට තිබිය යුතු විශේෂ සුදුසුකමක් ද නොමැත. එහි ගාමක බලය වන්නේ ඔබ ආදරය කරන දෙයක් අන් අය සමඟ බෙදා ගැනීමට ඇති ඔබ සතුව ඇති ආශාව, සහ උනන්දුවයි.
අත්දැකීම් මාර්ගෝපදේශකයෙක්, සංචාරක මාර්ගෝපදේශකයන්, ජාතික හෝ රියදුරු මාර්ගෝපදේශකයන් සමඟ පටලවා නොගත යුතුය. මන්දයත් ඒවා රාජ්‍ය අධිකාරියකින් බලපත්‍ර ලබා ඇති නිල තනතුරු බැවිනි.
අත්දැකීම් මාර්ගෝපදේශකයන්ට ක්‍රියාකාරකමක් නිර්මාණය කිරීමට සහ එය තමාටම සුවිශේෂී ආකාරයකින් ලබා දීමට නිදහස ඇත. ඔබට සත්කාරකත්වය දැක්විය හැකි අත්දැකීම් සඳහා උදාහරණ කිහිපයක් ලෙස වීදි ආහාර චාරිකා, ඓතිහාසික ස්ථාන හරහා පාපැදියෙන් ගමන් කිරීම, නගරයක ඡායාරූප චාරිකාවක්, ඉවුම් පිහුම් අත්දැකීම්, භාවනා සැසි, චාරිකා සහ මඟ පෙන්වන නාගරික චාරිකා ලෙස දැක්විය හැකිය. මිනිසුන්ට අත්විඳීමට අවශ්‍ය විශේෂ ක්‍රියාකාරකමක් නිර්මාණය කිරීම මෙහි මූලික අදහසයි.
අවශ්‍ය දැනුම
මෙයට අවිධිමත් තනතුරක් බැවින් අනුගමනය කළ යුතු පාඨමාලා නොමැත. යමෙකු හුදෙක් විෂය පිළිබඳව අතිශයින්ම උනන්දුවක් දැක්විය යුතු අතර ක්‍රියාකාරකම් සඳහා හොඳ සැලැස්මක් තිබිය යුතුය. මෙය ඔබට විනෝදාංශයක් ලෙස හෝ පූර්ණ කාලීන රැකියාවක් ලෙස කළ හැකි දෙයකි.
නිපුණතා
- සිත් ගන්නාසුළු කථා වෘත්තාන්ත පැවසීමේ හැකියාව
- ඡායාරූප ගැනීමේ කුසලතා
- සොබාදහමට දක්වන ආදරය
- ස්ථාන සහ ක්‍රියාකාරකම් ගවේෂණය කිරීමට සහ ඉගෙන ගැනීමට ඇති ආශාව
- හොඳ සන්නිවේදන කුසලතා
- හොඳ සංවිධාන හා සම්බන්ධීකරණ කුසලතා
වැටුප
මෙම තනතුර සඳහා වැටුප රඳා පවතින්නේ ඔබට මෙම සේවාව සැපයීමට අවශ්‍ය ක්‍රියාකාරකම් සහ ආගන්තුකයන් කී දෙනෙකුට ඔබ සපයනවාද යන්න මතය. ඔබට ස්වයං රැකියාවක් වශයෙන් අත්දැකීම් සත්කාරකයකු විය හැකි අතර ක්‍රියාකාරකමක් සඳහා කොපමණ මුදලක් අය කළ යුතු ද යන්න ඔබටම තීරණය කළ හැකිය. ඊට අමතරවඔබට ගමනාන්ත කළමනාකරණ සමාගමක් හෝ අත්දැකීම් සමාගමක් සඳහා වැඩ කළ හැකි අතර ඔවුන් යම් ක්‍රියාකාරකමක් සිදු කිරීම සඳහා නියමිත මුදලක් ගෙවනු ඇත.
